Über mich

Meist im Leben ist`s bestimmt, welchn Weg man amoi nimmt.
Doch erkennt ma des oft spät, und zerst a paar Umweg geht..

Am Bauerhof bin i groß worn, mit Pflanzl, Viecha und vü Toan,
Neugierig is ma natürli ols Junga, bin i noch`m Studium in d`Wirtschoft kuma.

Hektik, Stress, Organisiern, Plan, Budget und Investiern.
Koan Zeit für draußn, für d´Natur, hinterlosst des ba meina G`sundheit a Spur.

So bin i zur Homöopathie kemma, hob mi intensiv beschäftigt mit dem Thema,
dass i  meina Familie a helfn kann, meine 3 Kinda und a mein Mann.

Kräuterexpertin auf da FNL Kräuterakademie, Kräuterpädagogin am LFI,
Zum Herbal Educator durch Susi Kaiser, so werd` i im Bereich Kräuter weiser.

Als Landwirtin bin i zu meine Wurzl zruckkehrt, hab mir dahoam a kloans Kräuterparadies beschert.
de Arbeit, des Schaffn in und mit da Natur, des taugt ma, des gib i schon zua.

Doch am meisten fasziniert mi, wie grossartig is d`Welt, weil des wos man braucht, in seiner Umgebung steht.
Jede Jahreszeit bietet a Vielfalt an, sodass a jeder des Richtige für sich finden kann.

Ob zum Kochen, als Medizin oder fürn Hausgebrauch, jedes Kräutl hat sein Bestimmung, so wie wir auch.
Ma muass nur wieda sehn, erkenna und spürn, vielleicht lasst du di ja amoi von mir durch die Wiesn führn.